Gabriele Ortu

Los connosco a deretu
sos caddos arestes
rujos che fogu.
Nara, ue los as isoltos
sos caddos de sos sardos antigos,
a seculos de patire
incadenados?
Sempere fuende
pro no los tennere;
sempere timende
un’ ateru invasore.
Oe, ghiran su mundu
sos caddos tuos isoltos
da antigas peleas
e bolana, tintos de sambene
lizeros che pensamentu,
in sas tancas brusciadas
de nostalgia.
Frimaminde nessi unu,
pro lu podere inseddare,
o Aligi.